Recital na Biblioteca Ánxel Casal

Como cada trimestre, as aulas Coralia e Maruxa do CEIP López Ferreiro, reúnense coa Aula de Maiores da Biblioteca Pública de Santiago Ánxel Casal, para desenvolver unha proposta conxunta.

Esta vez foi un "recital" de cancións populares: "Foliada de Nadela", "Catro vellos mariñeiros", "A Virxe de Guadalupe", " O sancristán de Coímbra" e "Se chove, deixa chover".

Unha vez máis queren pór en valor a cultura propia e a relevancia das propostas de aprendizaxe servizo.

Achegamos o cartel anunciador e un pequeno fragmento do recital.

 

 

 

 

 

 

 

 

 

 

Aula de Maiores da Biblioteca Pública de Santiago Ánxel Casal

Unha vez máis, o alumnado das aulas Coralia e Maruxa do CEIP López Ferreiro desenvolveu unha actividade conxunta coa Aula de Maiores da Biblioteca Ánxel Casal. 

Esta vez, o alumnado agasallou as persoas que forman parte desta Aula cunhas panxoliñas e fixéronse recitados conxuntos de cantigas de tradición oral.

O EDLG do centro seguirá poñendo en valor o noso idioma, procurando propostas de aprendizaxe servizo e potenciando a colaboración con diferentes asociacións e institución da contorna, co obxectivo de aprender e servir.

Aula de Maiores da Biblioteca Ánxel Casal

A Aula de Maiores da Biblioteca Pública de Santiago Ánxel Casal e as aulas de 4º de Educación Infantil, en colaboración co EDLG, remataron o curso cunha actividade no salón de actos desta biblioteca. Con anterioridade, as persoas que participan nesta Aula viñeran ao centro a coñecer o  traballo do alumnado máis novo, arredor dos textos de tradición oral e de diferentes mulleres "Imprescindibles", como Coralia e Maruxa Fandiño Ricart.

Pero, para esta ocasión, as persoas da Aula de Maiores e o alumnado prepararon un recitado conxunto de versos de Rosalía de Castro, Helena Villar e Ana María Fernández.