O NIÑO DE POMBAS. Blog do EDLG do CEIP López Ferreiro
O alumnado de Infantil está gozar de fórmulas de xogo que ocupan parte das actividades que se desenvolven na hora do recreo, que acaban de compartir co alumnado do CEIP Ricardo Tobío de Esteiro (Muros) e que van trasladar tamén para as propostas da fin de semana do programa 21 días co galego, 2024
Unha vez máis, o alumnado das aulas Coralia e Maruxa do CEIP López Ferreiro desenvolveu unha actividade conxunta coa Aula de Maiores da Biblioteca Ánxel Casal.
Esta vez, o alumnado agasallou as persoas que forman parte desta Aula cunhas panxoliñas e fixéronse recitados conxuntos de cantigas de tradición oral.
O EDLG do centro seguirá poñendo en valor o noso idioma, procurando propostas de aprendizaxe servizo e potenciando a colaboración con diferentes asociacións e institución da contorna, co obxectivo de aprender e servir.
No CEIP López Ferreiro, levouse a cabo unha proposta conxunta entre o Equipo de Educación Infantil, as aulas de 3º e 5º de Primaria e os Equipos de Plan Dixital e o de Dinamización da Lingua Galega.
Esta actividade, inspirada no libro de Todd Parr, anima a aceptar as diferenzas, poñer límites e expresar as emocións en galego.
A iniciativa forma parte das actividades que se están a desenvolver para a preparación da nosa participación no programa 21 días co galego e + 2024. Se premedes na imaxe, poderedes ver o vídeo da nosa proposta.
