Conmemoramos o 25N e o 3D

No CEIP López Ferreiro, levouse a cabo unha proposta conxunta entre o Equipo de Educación Infantil, as aulas de 3º e 5º de Primaria e os Equipos de Plan Dixital e o de Dinamización da Lingua Galega.

Esta actividade, inspirada no libro de Todd Parr, anima a aceptar as diferenzas, poñer límites e expresar as emocións en galego.

A iniciativa forma parte das actividades que se están a desenvolver para a preparación da nosa participación no programa 21 días co galego e + 2024. Se premedes na imaxe, poderedes ver o vídeo da nosa proposta.

25N

O alumnado de 4º de Educación Primaria do noso centro achega a proposta que se desenvolveu para conmemorar o DÍA INTERNACIONAL DA ELIMINACIÓN DA VIOLENCIA CONTRA AS MULLERES, dende os equipos de Plan Dixital e Dinamización da Lingua Galega. 

É a continuación dun traballo que iniciaran en Educación Infantil e da actividade que xa presentaran o curso pasado con motivo do 8M.

Celebramos que este alumnado teña claro o significado desta conmemoración e sexa quen de identificar distintos tipos de violencias. 

25N-Adhara e Ritman

Queremos achegarvos unha das actividades que desenvolvemos para pór de manifesto o noso rexeitamento á violencia contra as mulleres.

Son as nenas e os nenos da Aula Coralia (6º de Educación Infantil, B) que fan a súa propia versión de Libre Son, de Adhara e Ritman.

Este alumnado tivo a sorte de recibir resposta da cantante. Mil grazas, Adhara!