Encontros con mulleres

A nosa comunidade educativa é moi afortunada ao poder contar con grandes mulleres, significativas en moitos ámbitos, pero sobre todo xenerosas.

Mulleres que sempre atenden as nosas peticións e que se achegan a encontrarse co noso alumnado sempre que llelo solicitamos.

Tivemos a sorte de que nos visitaran neste último trimestre de curso:

Mª Teresa Martínez Santiago, doutora en Bioloxía e Técnica de Laboratorio na especialidade de Química Analítica.

Faloulles ao alumnado da propagación e conservación de especies forestais como o carballo, a aciñeira ou a sobreira.

 

Montse Pena Presas pertence á comunidade educativa do CEIP López Ferreiro. É docente na USC e, ademais de crítica literaria, é unha grande especialista en literatura infantil e xuvenil.  Sempre nos agasalla con obras fantásticas e coas últimas novidades literarias.

Pero para o alumnado de Infantil, Montse é unha marabillosa contadora de contos!