Os Xenerais do Ulla no López Ferreiro

Esta semana tivemos a visita dos Xenerais do Ulla procedentes de Bandeira, no concello de Silleda. Mario e Alberto ensináronnos as partes do traxe dun xeneral e dun correo, probamos os sombreiros e deleitáronnos cuns vivas e uns atranques. Iso si, que damos sen velos montados en cabalos.

                         

  

Encontros lectores

 A biblioteca do centro e o equipo de dinamización da lingua realizou o primeiro Encontro lector do 2026.

• Para o alumnado de Educación Infantil , 1º, 2º e 3º de Primaria: O Libro da Memoria

Unha obra publicada desde o centro hai tres cursos, para que o alumnado descubra e se incorpore á cultura que lle pertence.

                     

• Para 4º, 5º e 6º, A lavandeira de San Simón.

Unha obra de Eva Mejuto, ilustrada por Bea Gregores, que trata o tema da memoria esquecida das mulleres solidarias de Redondela, que axudaron aos prisioneiros de San Simón, (Ed. Xerais).

• Para as familias,

O libro proposto foi A vida incerta.  Biografía de Virxinia Pereira. A obra de Montse Fajardo (Cumio editorial), achéganos a unha muller polifacética, que era coñecida, sobre todo, por ser a muller de Castelao.

Obradoiro de instrumentos tradicionais

Un curso máis Manuele Pardo, creador de Tradidácticos, acudiu ao noso centro para achegarnos a variedade de instrumentos tradicionais que ten a nosa música. 

 

Magosto 2025

O noso alumnado achegouse un curso máis, aos xogos populares e tradicionais, grazas ás persoas que conforman a AGXPT (Asociación Galega do Xogo Popular e Tradicional). Pese a non dispoñer do mellor espazo, todas e todos gozaron dunha xornada festiva na que celebramos tamén o Magosto e o Samaín.

                                                

Cantiga de magosto

O alumnado de infantil e o de 2º de primaria cantou, recitou e xogou cunha cantiga de tradición oral propia deste tempo. 

Que a gocedes!

Patrimonio lúdico galego

 

Está a publicarse a obra colectiva  Patrimonio lúdico galego. É un traballo de investigación, recursos e divulgación dos xogos tradicionais.

Nada máis e nada menos que 42 persoas investigadoras e impulsoras do noso grande patrimonio lúdico son as responsables de recoller experiencias sobre os xogos tradicionais.

Esta iniciativa está promovida polo Observatorio do Patrimonio Lúdico Galego, apoiado e financiado pola Universidade de Santiago e pola Secretaría Xeral da Lingua.

Estade atentas e atentos que, en breve, se fará pública a data da presentación desta obra. 

 

 

No Observatorio do Patrimonio Lúdico Galego están, entre outras persoas, aquelas que conforman a AGXPT (Asociación Galega do Xogo Popular e Tradicional), que nos permitiu gozar de moitos xogos populares e tradicionais o curso pasado polo Samaín e que volverán este curso!

Premede aquí para acceder a máis información

 

 

As "De Vacas" falan galego!

O grupo "De vacas" fai un trato galego! De Vacas é un cuarteto musical formado polas vocalistas Inés Salvado (a Marela), Faia Díaz (a Pinta) e Paula Romero (a Morena) e o guitarrista Guillerme Fernández (a Rubia). O grupo fai versións en galego de temas comerciais, mudando a letra e dándolles un formato retranqueiro e divertido.